بیر شارکی
چهارشنبه, ۱۸ ارديبهشت ۱۳۹۲، ۰۵:۱۶ ب.ظ
مردانه دولانسین
زولفونده نه لازیم، گوزلیم، شانه دولانسین قویما او حرمخانیه بیگانه دولانسین
عیب ائیله مه، کویوندا دولانسام گئجه گوندوز شمعین گرک اطرافینا پروانه دولانسین
ساقی! دولانیم باشینا، می جامینی گزدیر سرمست اولوم، باشیما میخانه دولانسین
او زولفه کئونول وئرمه، دییرلر منه، ال چک! اونسوز نئجه بس بو دل دیوانه دولانسین؟
مجنون نه برابر منه! صحرالره قاچدی عشق اهلی او دیر عرصه ده مردانه دولانسین
اغیار ایله اوز یارینی همدم گورن عاشیق دوشسون او گرک دشت و بیابانه دولانسین
سرخوشلوق ایله عمرینی صرف ایله مه واحد عارف اونا دیرلرکی حکیمانه دولانسین.
کلیات علی آقا واحد
۹۲/۰۲/۱۸